صرخات مدويه

ملل (من اشعارى)

2012-01-05T17:38:00.001+02:00

ملل الحياه معاك بقت ملل

والحياه من غيرك من غير امل

مبقتش عارف اختار ايه

ابعد عنه وله اكون ليه

من كتر جرحه فيا وعناده

خلانى بقيت خايف من بعاده

اصبر واتحمل اموت

ولا اسيبه يروح ويفوت

ملل الحياه معاك بقت ملل

والحياه من غيرك من غير امل

تعبت معاك........ ولا انت حاسس بيه انا

روحى فداك ........وعشان كده احترت انا

ليه كده خليت الدمع يسابقنى

وعايز روحى كمان تفارقنى

حرام عليك وكفايه

لحسن تكون دى النهايه

ملل الحياه معاك بقت ملل

والحياه من غيرك من غير امل

اهداء الى احمد هشام( صديقى العزيز....من اشعارى)

2011-12-08T14:13:00.001+02:00

خايف انام وانا مهموم

وصوتى يروح ويكون مكتوم

لما يعرف الانسان انه هيموت

هيعمل ايه قبل ما الوقت يفوت

اللحظه بتبقى عليه مهمه

وكل ثانيه غاليه عليه

هيضيع الوقت منه ليه

الدنيا عملت كده ليه

شايف انا دمعه فى عينيه

عايز يكره الناس فيه

مع انه زى النسمه فى الهوا

وعلى طول انا وهو سوا

ياريت تعبه يكون

كدبه مش زى مايكون

خايف انام وانا مهموم

وصوتى يروح ويكون مكتوم

لاصاحب ولا حبيب (من اشعارى)

2011-12-04T09:09:00.001+02:00

ولا صاحب ولا حبيب بقى معايه

الكل راح وجرى من ورايه

طول الوقت ساكت ولا بتكلم

والناس تيجى عليه ولا بتعلم

علشان قلبى طيب وبحبهم

اتفقوا عليه وبقيت انا ضدهم

خايف....عايش...حزين

وهم على اللى بينا ناسيين

همشى فى طريقى على طول

وان حد وقفنى هفضل اققول

انا اللى كنت معاكم يوم بعد يوم

ولا حد حس بيه فى كل يوم

هى الحياه بقت غروب

وان الشمس طلعت غاب الشروق

هعيش واققول انى انا كنت بحبهم

ديما على طول وفى قلبى كنت بعزهم

يعنى خلاص(من اشعارى)

2011-10-10T15:01:00.001+02:00

يعنى خلاص اللى بينا بترخصيه

وفى كل كلمه بتقوليها بتبيعيه

وفى كل مره بهون عليكى

ولا فى يوم من زعلى بكت عنيكى

يمكن عشان من البدايه اتساهلت

وسكت كتير وسامحت

ده انا من تعبى مش عارف اعملك ايه

وعامله تزودي فيها طب كل ده ليه

يعنى خلاص اللى بينا بترخصيه

وفى كل كلمه بتقوليها بتبيعيه

عايز تنسانى (من اشعارى)

2011-07-28T14:42:00.000+02:00

يعنى خلاص عايز تنسانى

وتسيب قلبى جريح ...بعدك مين حيهوانى

ده انا من بعدك هبقى من غير روح

وكل ثانيه هتفوت روحى هتروح

ده فين الحب اللى وعدنى بيه

انك مش هتبعد وعملت برىء

جى دلوقتى بتقول انى ماساويش

طب ليه خليت حبى يطلع على مفيش

حلمى وحلمك عشنا فيه بقلبنا

نفضل مع بعض ولا حد يهزنا

فجاه حلمك اتغير معرفش ليه

بس انا هفضل عايش فيه

اختار انت اختيارك وخد قرارك

وانا اختيارى اعيش بس ليك

ده مليش حاجه تانيه غيرعنيك

وهموت والمس تانى ايديك

يعنى خلاص عايز تنسانى

وتسيب قلبى جريح..بعدك مين حيهوانى

طول الوقت(من اشعارى)

2011-06-24T13:32:00.000+02:00

طول الوقت وحشانى عنيك

حتى وانا نايم بفكر فيك

مش عارف عملت فيه ايه

حبك خلانى عايش بس ليك

فى حاجه على طول مجنانى

لما الاقيكى ماشيه وسيبانى

وبستنى يجى اليوم التانى

عشان اشوفك يلى ديماوحشانى

حتى وانا تعبان اشوفك ارتاح

ولما تكون زعلان بتعب ولا برتاح

طول الوقت وحشانى عنيك

حتى وانا نايم بفكر فيك

نفسى اكون معاك (من اشعارى)

2011-06-09T00:39:00.000+02:00

محتاجلك يا حبيبى اوى

تعبت من البعد اوى

بقيت مش مستحمل اكون معاك والوقت يعدى

نفسى يجى اليوم اكون معاك وما تبعدش عنى

بشوفك بتمشى كل يوم

وفى قلبى ببقى مهموم

وعينى تبكى لما تفارقها عنيك

ولما اكون جنبك روحى بتنادى عليك

ولا هيرتاح لى بال

غير واناطول الوقت وياك

يا حبيبى يا احلى ملاك

نفسى اعيش بتنفس بهواك

محتاجلك يا حبيبى اوى

تعبت من البعد اوى

ولاعارف(من اشعارى)

2011-06-08T15:33:00.000+02:00

ولا عارف ايه الحكايه

ولاعارف ليه اتغير معايه

كل ما اتكلم يبقى مصدوم

ولو زود كلمه يكون مهموم

ايه اللى حصل ليه

حاسس انه مش عايزنى ليه

بيقول بيغير عليه

طب على ايه ماهومبكى عنيه

عايزنى احبه من بعيد

ولا احسسه انى جنبه واسيبه وحيد

عارف غلطى ومش عايز اغيره

عشقت قلبه وحبيت اعرفه

جى يقولى فى الاخر كل ده ليه

بقى ده جزاه انى حبيته وغيرت عليه

بيقول عايزنى ابيع الناس عشانك ليه

مع انى بعت كل الناس عشان عنيه

ولا عارف ايه الحكايه

ولاعارف ليه اتغير معايه

قلبى دق (من اشعارى)

2011-05-22T00:13:00.000+02:00

اول ما قلبى دق وحبك

واول ما انا عشقتك

حسيت بانى واحد تانى

وقولت حديك حنانى

لا فكرت غير فيك

ده انا بعشق حتى عنيك

ياحبيبى بيك بدات حياتى

وبهمس صوتك بكتب حكاياتى

اول ما قلبى دق وحبك

واول ما انا عشقتك

خلتنى فى دنيا تانيه

دنيا غير الدنيا ديه

فيها سعاده وفيها شوق

وامان من غير خوف

بيك انت عايش وبس

ومعاك بالحب بحس

بحور الحياه (من اشعارى)

2011-05-19T01:56:00.000+02:00

بحورالحياه بحر حب وبحر عذاب

مين هنا ومين هناك

تسمع كتير عن الاحباب

ولا يعرفوا معنى الفراق

عايشين فى بحر الحب خايفين

يغرقوا فى العذاب ويبقوا تايهين

اصله بحر ملهوش عنوان

واللى يروحه يبقى خانه الزمان

وبحر تالت بحر الهموم

اتقفل عشان مهموم

من كتر اللى فيه فاض بيه

لاعارف ياخد حد تانى فيه

وبحر تانى فتح جديد

قال انا هكون سعيد

يلا الحق روح فيه

كلها يومين ومش هتلاقيه

بحور الحياه بحر حب وبحر عذاب

مين هنا ومين هناك

خافى يا اسرائيل (من اشعارى)

2011-05-15T11:49:00.001+02:00

خافى يا اسرائيل واسمعى

خافى يا اسرائيل وافهمى

المصرى فاق وهيعلمك

هيرفع سلاحه ويأدبك

لو اتاخرتى يوم هتندمى

ومن الوجع هدمعى

بالذوق من فلسطين اخرجى

لحسن بالعافيه تولعى

احنا سكتنا كتير ليكى

عشان رئيسنا كان بيقويكى

هنعمل انتفاضه وراها انتقاضه

والمره دى هتعرفى معنى الخساره

اصلك ما بتفهميش

ومن اكتوبر ما تعلمتيش

دى ضربتنا ضربه قويه

والمصرى ما بيعرفش الحنيه

خافى يا اسرائيل واسمعى

خافى يا اسرائيل وافهمى

اتعلقت بيك (من اشعارى)

2011-05-14T01:30:00.000+02:00

مهما تبعدنى عنك هقرب ليك

ومهما تقسى برضه هحن ليك

ده انا اتعلقت اوى بيك

وبقت روحى بين ايديك

بتعمل فيه كده ليه

اقولى طب انا غلطان فى ايه

كل يوم عايز اكون جنبك

ومهما كانت الظروف بقول بحبك

دى عدت ايام وملكت قلبى

وخليتنى اتنفس بحبك

بتقولى عايز تبعد يومين

طب اتنفس انا بمين

ليه كده يا حبيبى تخلينى مجروح

لو عايز تبعد خد روحى وروح

بس لو كان هيريحك تبعد فتره

ماشى بس بعدها اوعى تروح

دنا بحبك وليك مخلوق

ولو بعدت هموت مخنوق

انت فين (من اشعارى)

2011-05-14T00:30:00.000+02:00

انت فين روحت فين

فجاه اتغيرت عليه ليه

يا حبيبى فين حبك بتاع زمان

دلوقتى بدعى ترجع للى كان

كنت بتستنى منى كلمه

وكنت بتقبل منى اى حاجه كمان

بقيت ممكن تسيبنى وتجرى

وتخلينى وراك احاير واجرى

لما تكون مزعلنى بتكون زعلان

والنهارده لما تضايقنى تزود كمان وكمان

انت فين روحت فين

فجاه اتغيرت عليه ليه

يمكن عشان شوفتنى من غيرك بموت

وببكى من غيرك باعلى صوت

خلتنى اول مره اعرف

ان اللى يبين حبه لحبيبه يستضعفه

ولو يوم عليه خاف

بكلامه يجرحه

انت فين روحت فين

فجاه اتغيرت عليه ليه

بتكدب عليه ليه (من اشعارى)

2011-05-03T20:34:00.000+02:00

بتكدب عليه ليه

هو انا فى مره كدبت عليك

رد واقول مخبى ايه

ولا ده من كتر حبى ليك

فى كل كدبه اسامح

واقول انك هتبطل تكدب تانى

فجاه الاقيك جارح

كده يبقى من السهل تنسانى

اعملك ايه ولا اققسى عليك

بس انت على قلبى اغلى حبيب

عايزنى اتغير ولا ابعد عنك

كدبك هيخلينى ليك مش قريب

حدى فرصه لاخر كدبه ليك

بعدها هقسى اوى عليك

بتكدب عليه ليه

هوانا فى مره كدبت عليك

يا واخد روحى(من اشعارى)

2011-04-27T21:39:00.000+02:00

يا واخد روحى معاك

نفسى اكون على طول وياك

اشوف عنيك و ايدى تلمس ايديك

ده انا عمرى كله ليك

وطول مناعايش هحب فيك

وان مت روحى هتحميك

ده انامستنى اليوم بحضنى ادفيك

وان بكيت امسح دموع عنيك

ياحبيبى شوقى واخدنى ليك

وكل يوم بتمنى رضى عنيك

ومهما تغيب انا قريب منك

وشايفك قدامى ولا بغيب عنك

هغنى بصوتى واقول بحبك

وهفضل اعيش واموت فى حبك

يا واخد روحى معاك

نفسى اكون على طول وياك

مقولات (من كتاباتى)

2011-04-20T08:24:00.000+02:00

1- صعب العيش بدون حبيب ولكن يمكن العيش بدون قريب

2- اذا قرأت مافى عين شخص ما..... كذب نفسك حتى يقول لك

3- لغه العيون لا تتعلمها فهى تصيب بالجنون

4- لا تستحقر طيبتك فمن لا يقدرها لا يستحقك

5- اخفى دموعك عندما تجد من امامك لا يقدرها

6- اعطى لمن تحبه كل ماتملك ولا تنتظر مقابل

7- اذا بكيت فى احضان شخص ما... واحسست قلبه يخفق بشده فانه خائف عليك

8- اذا وجدت عجوز يبكى فى الطريق فاعرف ان الخير يناديك

9- اذا وجدت الكثير من الناس ينظر اليك باعجاب فأنت فى اختبار تجنب الفتن

10- عندما تفكر كثيرا فأنت من داخلك تبكى كثيرا

بخاف عليها(من اشعارى)

2011-04-18T20:43:00.000+02:00

زمان لما كنت بخاف عليها تفرح

دلوقتى لو اتكلمت كلمه فى القلب تجرح

مبقتش عارف عايزه ايه

اخاف عليها ولا اعمل ايه

بتتغير كل يوم عليه

وعماله تجرح فيه

كانت زمان حبها ليه ملهوش حدود

بس دلوقتى بقيت خايف من البعد

تفرح معايه يوم وتسعدنى

يجى تانى يوم ومن كلمه تكرهنى

ده انا من الاول فهمتها

انى مجنون بحبها

طب ليه بتقولى دلوقتى بالعقل حبنى

طب كده فى الحب هتذلنى

عايزه تقلل حبى ليها ليه

ولا هى عايزه منى ايه

كل يوم معاها تعبان

وبقى فى قلبى كتير احزان

عايزانى اسكت ولا اتكلم

واسيبها تغلط ولا تتعلم

زمان لما كنت بخاف عليها تفرح

دلوقتى لو اتكلمت كلمه تجرح

يااااااااارب

2011-04-12T21:29:00.000+02:00

مش عارف مالى

فجاه اتغير حالى

صدمه كانت قويه

وعلى القلب كانت قسيه

واحد كان معاك

فجاه لقيته هناك

سبحان الله الخلاق

اللى بيكتب الفراق

خد صحبى هناك

وفى الاخره هنلقاه

يارب انا بقيت غريب

وفى الدنيا بقسى على الحبيب

يارب فوقنى من اللى انا فيه

ظالم بحزنى ناس كتير

يارب انت عارف همى

بسببه الناس بتظلمنى

فاكرين انه كان ليه مش قريب

مع انه طول حياته كان ليه بيطيب

يارب صبرحبايبى عليه

محدش حاسس ايه بيه

بيقولولى انسى وعيش

بس فراقه ما يتنسيش

يارب هون الايام دي عليه

حاسس بخنقه ولا حاجه بايديه

صحبى (اهداء الى روح صلاح العسكرى احد اصدقائى الاوفياء توفى 7/4/2011

2011-04-11T22:23:00.000+02:00

نعمل ايه راح ليه

مكتوب فراقه والذنب ايه

كان طول عمره طيب

ولاى حد بيكون قريب

كانت ضحكته زيها مفيش

نضحك معاه ومعاه نعيش

كان لما يقعد معانا

على طول الضحه كانت جايبانا

كان يشوفنى و يجرى

ويسلم وبالحضن ياخدنى

بس فى يوم جت الصدمه

صلاح راح وذكراه بسمه

ولا قادر اصدق انه راح

وقلبى بقى مليان جراح

يارب ارحمه واغفر له

ومع الصالحين فى الجنه ادخله

قد ايه كان طيب

قد ايه كان قريب

قد ايه كان حنين

قد ايه كان للجرح بيهون

ربنا يرحمك يا صلاح

بنات متعريه2(من اشعارى)

2011-04-05T15:53:00.000+02:00

كل يوم والتانى

والبلوه تيجى فى بالى

بنات كتير يتزينوا

وفى الشوارع يتمخطروا

ويقولوا عليها دى مسكره

لا والله دى مسخره

ولو شاب اتريق عليها

تقول عليه ولا ليه فيها

ويقولوا ما تغضوا البصر

طب ليه بتلفتوا النظر

واسمع ويلى شوف

بقوا بيضحكوا من غير كسوف

ويقولوا علينا متخلفين

عشان مش فاهمين موضه التافهين

ومن الناحيه التانيه

تلاقى قدامك واحده تانيه

من ادبها مش عارفه تمشى

وان حد بصلها بدموعها تبكى

ماهو ده الجمال ياناس

لما تلاقى واحده عندها احساس

كل يوم والتانى

والبلوه تيجى فى بالى

شايف دموع ( من اشعارى)

2011-03-30T23:07:00.000+02:00

شايف دموع وقلوب حزينه

على عمرهيروح وتبقى جريحه

رايحين جاييين والدنيا ماشيه

وضربتها لينا بتبقى قاضيه

نهرب منها ونقول هنفرح

نلاقيها جايبانا وبالحزن تجرح

وبنحاول كتير نكمل فرحتنا

وهى دي حكايه دنيتنا

شايف دموع وقلوب حزينه

على عمر هيروح وتبقى جريحه

بقينا كتيرخايفين من ايامنا

لحسن فى يوم تفرق احبابنا

ونبقى زى الطيور فى المها

لا عارفه تطير ولا عارفه تلاقى احبابها

وهنقف قصادك يا دنيا

ولافى يوم هنسيب احبابنا

وهنقف قصادك يادنيا

ولا هنفارق احبابنا

شايف دموع وقلوب حزينه

على عمر هيروح وتبقى جريحه

(ربنا يستر بقى الترم ده)

كانت بتقول (من اشعاري)

2011-03-24T10:47:00.000+02:00

كانت بتقول حبيب قلبى

حبتنى ليه وجرحت قلبى

بعد ما جه غيرى واخدها

بندم انا على قلبى اللى سابها

بحاول واقول هنسى

يعدى اليوم وراه يوم ولا عارف انسى

من البدايه وعدتنى

بس فى لحظه جرحتنى

كانت بتقول حبيب قلبى

حبتنى ليه وجرحت قلبى

كنت بحبها ولا عمرى خدعتها

كنت بقول ده مفيش غير حبها\

بس بكره الايام تقولها

ان مفيش غيرى وفى كتير زيها

فى طيبه قلبى اتماديت

وكنت خلاص ليها حنيت

وفجاه يجى عليه اليوم

انام واصحى واكون فيه مظلوم

بس الحب اللى فى قلبها

لو لحد تانى انا اللى علمتها

كانت بتقول حبيب قلبى

حبتنى ليه وجرحت قلبى

زمان عشت ليها وقولت بس

دى اللى قلبى معاها حس

وكنت بروحى بفدى واضحى

بس الايام خلتنى لوحدى

كلام بقوله من الاحزان

و مبقتش حاسس بامان

كانت بتقول حبيب قلبى

حبتنى ليه وجرحت قلبى

اهداء

ليه ياقلبى(من اشعارى)

2011-02-19T15:15:00.000+02:00

ليه يا قلبى كده

بتحب الحب ده كل اده

اصبر شويه عليه

خليه يحس بقيمه حبه ليك

دنتا ياقلبى مجنون بيه

وهو عمال يتقل عليك

ماتصبر شويه عليه

خليه يعرف انك مخلوق ليه

ليه ياقلبى كده

بتحب الحب ده كل اده

انا ياقلبى حاسس بيك

وانت سايب نبضك بين ايديه

انا ياقلبى خايف عليك

لحسن تضعف وتهون عليه

ده حبيبك شايفك اققوى الناس

ومش هيقبل انى يضعفك احساس

ليه ياقلبى كده

بتحب الحب ده كل اده

خايف منك (من اشعارى)

2011-02-15T02:58:00.000+02:00

بقيت خايف منك معرفش ليه

لحسن تبيع وتقول خونتك ليه

مع انى قلبى حبك كتير

ولا يعرف يخونك ولو عملت ايه

فى كل يوم تطلع حاجه

وتقول انى مخبى وعامل حاجه

دنا قلبى روحه فيك

ولو سيبته هيموت بايديك

وترجع وتقول بتحبينى

طب ليه بهون عليك وتذلنى

بقيت خايف منك معرفش ليه

لحسن تبيع وتقول خونتك ليه

طب قولى بتفكر فى ايه

وايه اللى قلبك حاسس بيه

فى كل موضوع تقول كفايه

مع انى اللى بيناملهوش نهايه

حبيتك حب كبير

حتى من نفسى ساعات بغيير

بقيت خايف منك معرقش ليه

لحسن تبيع وتقول خونتك ليه

نفسى تعرف(من اشعارى)

2011-01-27T14:43:00.000+02:00

نفسى تفهم بحبك اد ايه

نفسى تعرف انت بالنسبالى ايه

دنا لما بسمع صوتك برتاح

بس معاملتك خلت فى قلبى جراح

وساعات كتير لما تتضايق عليه

بخبى دموعى فى عينيه

بتوصلنى حبيبى لدرجه مش بايديه

بتخنق عليك وامد ايدى واخبى دموعى فى عينيه

واسهر بعديها الليل مخنوق من نفسى

واقول ياريتنى قبليها كنت قتلت نفسى

نفسى تفهم بحبك اد ايه

نفسى تعرف انت بالنسبالى ايه

ده انا لما بكون معاك يبقى نفسى احضنك

واطير وياك لبعيد واحب فيك واسعدك

دنا من غيرك حبيبى معرفش اعيش

ولو بعدت بموت من شوقى ليك

يا حبيبى قلبى وروحى وعينيه

بيموتوا فيك دى حاجه مش بايديه

نفسى تفهم بحبك اد ايه

نفسى تعرف انت بالنسبالى ايه

قلبى حبك (من اشعارى)

2011-01-12T15:01:00.000+02:00

قلبى حبك اول ماشوفتك

وعينى جت فى عينيك

قلبى حبك يوم ما عرفتك

ولقيت روحى رايحه ليك

دى نظره عينيك ورسمه شفايفك

خلونى احس بحب قلبك

حتى لما ببعد عنك

دنا على طول قلبى شايفك

ده انت ايه الله عليك

خلتنى احب ريحه نفسك

انا عايش ليك وروحى فيك

يلى قلبى سحره قلبك

قلبى حبك اول ما شوفتك

ولقيت روحى رايحه ليك

قلبى حبك يوم ما عرفتك

ولقيت روحى رايحه ليك

كمليها يا دنيا(من اشعارى)

2010-12-29T18:59:00.000+02:00

كمليها يا دنيا وانسينى

كتر الجراح بيبكينى

ولا هقدر الوم عليكى

ماانا حظى قليل فيكى

حتى الحبيب بيظلمنى

ولو كلمته بيقول هتسبنى

ولو حظى كده فيكى

طب ليه عايش موهوم بيكى

ولا فى حد بايدى ياخدنى

يسالنى ويعرف ايه همى

ده حتى الفرح بيحاسبنى

وان جه فى يوم بعديه يجرحنى

كمليها يادنيا وانسينى

كتر الجراح بيبكينى

سنه جديده(من اشعارى)

2010-12-12T14:27:00.000+02:00

سنه جديده من عمرى جايه

ويارب بالافراح خليها دايمه

ولاحزن يكون ولا جراح

وبالفرح هعوض اللى راح

ده حبيبى معايه وامى وابويه

وكلمه حلوه سامعها من اخويه

صاحب يصون ولا يبيع

واللى يعادينى قلبه يضيع

سنه جديده من عمرى جايه

ويارب بالافراح خليها دايمه

وانا كده عمرى ابتدى

واللى جرح قلبى زمان انتهى

واللى خلانى سعيد كده

ان حبيبى فى قلبى هنا

ده انا بدعى فى صلاتى ربنا

مايفرقناش غير دمنا

سنه جديده من عمرى جايه

ويارب بالافراح خليها دايمه

مخبى عليه ايه(من اشعارى)

2010-12-04T08:20:00.000+02:00

مخبى عليه ايه تانى

بلاش تكون انانى

شايفك وعارف عينيك

بتقول كلام لما المس ايديك

ولوسالتك فى ايه

بتقول عادى هو ايه

بتكدب كتير واسامح

واقول يمكن اكون جارح

طب ليه هونت فى يوم عليك

وانا كانت ايدى ملك ايديك

نفسى الاقى منك اجابه

بدل الحيره فى كلامك

مخبى عليه ايه تانى

بلاش تكون انانى

عينى سرحانه فى عينيك (من اشعارى)

2010-10-27T21:11:00.000+02:00

عينى سرحانه فى عينيك

وطول الليل بفكرفيك

ولما بلمس ايديك

بحس ان روحى ليك

معاك حسيت بالحياه

ونسيت احزانى معاك

ياما نفسى احضنك

اكون وياك واسعدك

ولا حد يبعدنى عنك

حتى لو هموت جنبك

عينى سرحانه فى عينيك

وطول الليل بفكر فيك

ياقدس نفديكى(من اشعارى)

2010-10-22T22:23:00.000+02:00

يا قدس نفديكى

بروح ونحميكى

ونضحى بارواحنا

كله فداء ليكى

يحميكى ابنائك

من كل اعدائك

وتعيشى حره

فى ظل اولادك

عايشه فى قلبنا

ساكنه فى صدرنا

ابنائك الشجعان

اولاد الكرام

مهما يطول الزمن

يقفوا ويحموكى

حبتينى,,,ولااااالسه بتحبيه(من اشعارى)

2010-10-15T21:06:00.000+02:00

حبتينى,,,,,,, ولااااالسه بتحبيه

ده اللى باين.. من اللى بتعمليه

قولتيلى نسيته.. ومش بفكر فيه

واللى يفتكرجرح حد..يبقى عايش ليه

خايفه منى ...وراسمه خيانته فى خيالك

طب ايه ذنبى.... وانا مالى بحياته

مانا قولتلك ..من البدايه ننسى اللى فات

مانا ساكت... وكاتم فى قلبى حكايات

كل كلمه بتقوليها وراها ايه

جرح فى قلبك نفسك تداويه

يبقى اللى بينا مش حب وحنان

طول ما فاكرين ايام زمان

قلبى خلاص بقى منك خايف

تبعديه عنك وتقولى خاين

ولا حسيت فى مره انك مطمنالى

بكون جنبك على طول ومخونانى

حبتينى ,,,ولاااااالسه بتحبيه

ده اللى باين من اللى بتعمليه

اصحى يا مصري(من اشعارى)

2010-10-12T18:38:00.000+02:00

اصحى يا مصري

افرح وقول اللى فى نفسك

وسمع اسرائيل حسك

الكل عرفوا سيرتك

مصرى اصيل حامى ارضك

ولا حصن منيع يهزك

وطاعه ربنا فى قلبك

اصحى ياابن النيل

مينا ومحمد ماشين

شايلين سلاحهم ولا خايفين

وبيعلوا صوتهم قايلين

الله اكبر على المعتدين

هلال صليب متوحدين

واكتوبر كان هو الدليل

اصحى يا مصرى

وهرجع اتغرب (من اشعارى)

2010-09-20T20:41:00.000+03:00

وهرجع من تانى اتغرب

ولا عايز حد منى يتقرب

واللى شافنى فى اول غربتى

كنت بمشى والضحكه صحبتى

وماكنتش عارف انه هيجى عليا يوم

تضيع ضحكتى وانام مظلوم

اصل اللى شوفته فى غربتى

هون عليا دمعتى

صاحب حبيب كله يبيع

حتى القريب منهم يضيع

مش عارف ليه دلوقتى بتكلم

يمكن عشان قلبى بقى مش متحمل

ما هى عدت سنين والقلب بقى حزين

سنه سنتين ضيعوا من قلبى الحنين

يارب عليا هونها

واستر فى اللى فاضل منها

وهرجع من تانى اتغرب

ولا عايز حد منى يتقرب

بنات متعريه (من اشعارى)

2010-09-13T19:53:00.000+03:00

بنات مشيه متعريه ومصدقيين

ان الشباب بيهم معجبيين

الكل بيتفرج بس عليهم

ولا عمره هيختار واحده فيهم

وهيعدى عليهم سنين وسنين

وهيلاقوا نفسهم معنسيين

اصل اللى بيختار بيختار واحده طيبه

تصون عياله وتكون متدينه

واللى يرضه بيهم يبقى زيهم

مسقط بنطلونه ولا اجدعها واحده منهم

يلا افرحوا بناطيل مجسمه وباديهات

والبسوا كمان احدث الصيحات

بس اعرفوا وافهموا

ان فى الاخره هتندموا

وبص كمان اللى يوجعك

تشوف نقاب يخدعك

كعب عالى وراسمه عينيها

وربنا يستر بقى علينا

بنات مشيه متعريه ومصدقيين

ان الشباب بيهم معجبيين

سألتها (من اشعارى)

2010-09-08T20:02:00.000+02:00

رحت وقولت انى بحبها

جاوبتنى وقالت انى مش لها

قالتلى روح بعيد دور على حبيب

أحسن منى هتلاقى كتير

واااه من الحبايب ما عادش فى حبايب

طول ما انت بعيد وعنهم غايب

رحت وقولت انى بحبها

جاوبتنى وقالت انى مش لها

وقولت فى يوم هبعد وانساه

وابدا حياه تانيه مش معاه

بس معرفش ليه بتجيلى فى احلامى

مشيه بعيد رايحه وسايبانى

ماهى دى الحقيقه يا قلبى وعشها

وسيب حبيب تانى يخدها

ماهو مش عايزك تكون معاه

بس ادعيله يعيش اجمل حياه

رحت وقولت انى بحبها

جاوبتنى وقالت انى مش لها

دموعها على خدها (من اشعارى)

2010-09-06T21:05:00.000+02:00

راحلها وقال لسه بحبها

ورجعت ودموعها على خدها

قلتله طب ليه يا صحبى بعتها

قال الماضى كان معايه وجنبها

طب ليه يا صحبى دى حبتك

قال حاولت ولا عرفت احبها

طب شوف ايه اللى حصلها

مشيه فى الشارع مستغربه

ولما تشوفها تحسها

دى غابت روحها وهربت منها

وجى تقول نسيتها ونسيت حبها

وللماضى حنيت حرام ده انت جرحتها

راحلها وقال لسه بحبها

ورجعت ودموعها على خدها

دمع الفراق (من اشعارى)

2010-09-05T19:48:00.000+02:00

دمع الفراق

هو دمع عيونى

دمع الفراق

دمع غدار وانانى

ومعاه ضيعت زمانى

دمع الفراق

دمع عيون سهرانه

دمع رموش حيرانه

دمع الفراق

دمع الحبيب لحبيبه

لما بيبعد عن عينه

دمع الفراق

دمع قلوب مجروحه

ديما مش مبسوطه

دمع الفراق

كله عذاب والم

كله فراق وندم

وطول العمر معاه

نسهر ولا ننام

دمع الفراااااق

اتكلموا عنى الناس (من اشعارى)

2010-08-29T01:23:00.000+02:00

اتكلموا عنى الناس وقالوا كتير فى حقى

ومن كتر سكوتى ضاع منى حقى

هرجع وأقولهم بس ايه

ضيعوا منى حبيبى طب ليه

اصلى على طول ساكتلهم

واقول ده كلام ولا حد هيسمعلهم

وغلط وغلطان والكل سمعلهم

وبقيت انا المجروح منهم كلهم

واااه من السكات وطيبه قلبى

وخلاص هتكلم وهقسى قلبى

مانا عارفهم واحد واحد وواحده واحده

وهرجعلهم وافضحهم مره واحده

دور ما يعرفوش ايه قسوتى

واد ايه غلاوه دمعتى

وهبين لكل واحد مين انا

وحبايبى اللى عاشوا فى قلبى هنا

اتكلموا عنى الناس وقالوا كتير فى حقى

ومن كتر سكوتى ضاع منى حقى

كل ما اجى احب (من اشعارى)

2010-08-26T23:06:00.000+02:00

كل ما أجى أحب ألاقى قلبى راح بعيد

يحب حبيبه وحبيبه يسيبه وحيد

مانا كنت لوحدى ماشى

من غير حبيب ولا كنت بقاسى

بس كفايه عليه حب

قلبى خلاص عذبه الحب

يلا روحوا بعيد ولا تكلمونى

وسيبونى لوحدى ولا تحبونى

انا مش عايز حبيب ولا حنين

وهعيش لوحدى قادر على السنين

اصل اللى بحبهم قسى قلبهم

وجه الوقت أقولهم هبعد ولا هرجعلهم

كل ما أجى أحب ألاقى قلبى راح بعيد

يحب حبيبه وحبيبه يسيبه وحيد

مانا كنت لوحدى ماشى

من غير حبيب ولا كنت بقاّّّسى

وهعيش بعيد وانسى احلامى

وهداوى جراحى وابعد عن الامى

اصل اللى بحبهم قسى قلبهم

وجه الوقت أقولهم هبعد ولا هرجعلهم

ياسلام على المصيفيين (من اشعارى)

2010-08-18T21:35:00.000+02:00

اهداء منى لضحايا حوادث كورنيش اسكندريه بمصر والتى رئيتها بعينى والتى لا يغيب مناظرها عن بالى ولهذا كتبت هذه القصيده

ياسلام على المصيفيين

على الكورنيش ديما مداسيين

عربيات بتجرى ولا هممها

ماهو المرور هو اللى سيبها

عايله مرميه على الشمال واليمين

كانوا قصدهم يعيشوا يومين مرتاحين

وأهم ارتاحوا وخلوهم مرتاحين

وغطووهم وسابوهم ميتيين

ماهوكله مفيم وعامل رئيسها

من غير ترخيص والفلوس رخصتها

ويقولوا كبارى وانفاق

وأهوكله كلام فى رياق

ياسلام على المصيفيين

على الكورنيش ديما مداسين

ضلميها يا بلد(من اشعارى)

2010-08-17T21:34:00.000+02:00

بعد الاستمرار فى قطع الكهرباء عن محافظات مصر كتبت هذه القصيده

َضلميها يا بلد

ضلميها يا بلد على ولادك

وأدى جزاه حب عيالك

بيقولوا الكهربا بيوفروها

وأتاريهم للأردن بيصدروها

دور مش عاتقين حاجه

وشوف كم ميجا بيسروقوها

ياسلام ياسلام على التفنين

وفاكرنا كمان مش فاهمين

ده حرام والله علينا

وشوفوا اللى حصل لينا

أطفالنا ماتت فى الحضانه

وكأن الكهربا فى غاره

يلا يلا وأهى رحمه ليهم

ييجوا فى بلد مش ليهم

وههههه وشوفوا كمان بيباركونا

وفى رمضان هيصلونا

ماهى الكهربا مش موجوده

والجوامع بمولدات وهتبقى حوسه

ضلميها يا بلد على ولادك

وأدى جزاه حب عيالك

عايش من سكات (من اشعارى)

2010-08-12T21:50:00.000+02:00

وفضلت عايش من سكات

والعمر راح منى وفات

ومشيت لوحدى ودموعى بتجرى

ولا حد سأل مالى وايه همى

اصل الحياه هى الحياه بتيجى

لما اشوف ايوه اشوف عين حبيبى

وقضلت عايش من سكات

والعمر راح منى وفات

وفضلت ساكت على الجراح ومش هممنى

ماهو حبيبى راح واخد حياتى منى

ولا هقدر الومه و اعاتبه على قلبى

هو اللى قلبه اختار واختار ينسى قلبى

وفضلت عايش من سكات

والعمر راح منى وفات

فاكر انى هسيبك (من اشعارى)

2010-07-27T21:05:00.000+03:00

هو انت فاكر انى هسيبك

دنا بموت فى لمسه ايدك

ولو حبيت تانى قبليك

عمرى ما هحب حد بعديك

ده مفيش حبيب فى رقتك

وياسلام على جمال ضحكتك

هو انت فاكر انى هسيبك

دنا بموت فى لمسه ايدك

وان غبت كتير عنك

انت فى بالى ونفسى اكون جنبك

ياما نفسى اخدك واحضنك

واحب فيك واعبدك

هو انت فاكر انى هسيبك

دنا بموت فى لمسه ايدك

حبيت أقولك (من اشعارى)

2010-07-24T22:24:00.000+03:00

حبيت أقولك انك انانى

ومن السهل عليك تنسانى

ولا هيهمك قلب حبك وعاش ليك

ولا هيشغل بالك حب كبير كان بين ايديك

هى الجراح والالام محسوبه ايوه علينا

بس الحبيب لما يبيع يملى الدمع فى عينينا

ما خلاص ده الحبيب نسانا

ومبقاش فى يوم يهوانا

حبيت أقولك انك انانى

ومن السهل عليك تنسانى

روح وشوف قلبك حيوديك لفين

هيخليك لوحدك عايش حزين

ولا هرجع تانى ليك

حتى لو شوفت الدمع فى عينيك

ما هى كلمه قولتهالك من البدايه

لو روحت مش هعيد الحكايه

حبيت أقولك انك انانى

ومن السهل عليك تنسانى

تغيب الشمس يا قلبى (شعر غنائى من كتاباتى)

2010-05-04T21:17:00.000+03:00

تغيب الشمس يا قلبى

تعدى تروح من بدرى

وانت قاعد مستنى

حبيب يداوي يا قلبى

صبرت كتير ياقلبى

ده العمر بيفوت ويجرى

خلى بالك انت قسيت

على الحب يا قلبى وياما بكيت

وانت ياقلبى..............

انت يا قلبى

من الحب شكيت

وعليه كمان خبيت

وروحت وجيت وغرقت فى بحر حبيبك

وبسرعه اشتكيت من ظلم قلب حبيبك

يا قلبى خلاص انتهيت

ولا هتحب تانى وتقول حبيت

تغيب الشمس ياقلبى

تعدى تروح من بدرى

وانت ياقلبى............

انت ياقلبى

من الحب شكيت.......

وعليه كمان خبيت

وفضلت على طول حيران

مسكين من الحب سهران

يا قلبى........... ياقلبى................

سابك حبيبك من طيبتك

وقال مش حلوه كده طيبتك

بس خلاص ايوه خلاص راح العمر وانتهى

بس خلاص ايوه خلاص راحت الطيبه كلها

تغيب الشمس ياقلبى

تعدى تروح من بدرى

ياقلبى اللى راح

كفايه عليك جراح

انت متعرفش القسيه

عشان مخلوق للحنيه

ده خلاص راح زمن الطيبه

والقلوب بقت كده غريبه

نزفت ياقلبى وبالدم ارتويت

وعشان الحب كمان ضحيت

تغيب الشمس يا قلبى

تعدى تروح من بدرى

وانت قاعد مستنى

حبيب يداوى يا قلبى

اااااااااه يا قلبى.....ااااااااه يا قلبى

موال الزمن (شعر غنائى ..من كتاباتى)

2010-04-22T22:27:00.000+02:00

كل شىء مكتوب علينا يا زمن

يضيع اغلى حبيب لينا يا زمن

تجرح فينا وتظلمنا من غير تمن

وبالاحزان احنا بندفع التمن

حنروح منك فين يا زمن

خليك حنين فى يوم يا زمن

كفياك جراح تعبنا من الالم

وبنقول اااااااااااه منك يا زمن

ضاعت احلامنا واحنا السبب

بس اكيد حنعيب فيك يا زمن

عرفتنا على ناس خاينين

واللى عرفناهم منك يا زمن

ضيعت مننا حلم السنين

ضيعت كل شوق وحنين

حنفضل نترجاك يا زمن

تكون معانا وتنسبنا الالم

ولا انت حتفضل كده يا زمن

تدوس على افراحنا وتكتر الالم

حلم أراه واقع (من اشعارى)

2010-03-13T01:24:00.000+02:00

حلمت بيك يا حبيبى

واقف زعلان مستنينى

رحت اشوف عينيك

بقيت خايف ابص ليك

اصل فيه كتير حبوكى

لمجرد انهم عرفوكى

بس يا حبيتى صدقينى

لو دورتى هتلاقينى

قلبى حبك طول سنينى

قبل حتى ما تعرفينى

سألونى عن حبى ليكى

اتاريهم بيحنوا إليكى

ومبقتش عارف الحكايه

ولفين هتوصل النهايه

هفضل كده مستنى احكيلك

ولا غيرى هيروح ويجيلك

نفسى اعرف ايه جواك

استناك ولا انسى هواك

ومهما حاولت اكلم غيرك

برضه شايفك شايف عينك

بس انت ولا انت دارى

إنك وحدك بس فى بالى

ضاع حبيبى التانى(من كتاباتى)

2010-03-05T02:49:00.000+02:00

ضاع منى حبيبى التانى

ضاعت منى احلى امانى

حاولت انسى حبى الاول

لقيت جرح التانى اشد من الاول

حبكى واصرخ ومين هيسمعنى

دنا تعبت خلاص وقلبى وجعنى

كفايه عليا كده

قلبى مش مستحمل كل اده

هو انا لحقت احبها

ده يوم ولا يومين وسيبتها

زهقت خلاص وحرمت احب

دنا طلعت مليش فى الحب

حبكى واصرخ ومين حيسمعنى

دنا تعبت خلاص وقلبى وجعنى

ضاع منى حبيبى التانى

ضاعت منى احلى امانى

جى يقولى حرام (شعر غنائى..من كتاباتى)

2010-02-14T12:05:00.000+02:00

كنت فاكره حب وطيبه

طلع وهم ودنيا غريبه

جى دلوقتى يقولى حرام

بعد ما قلبى اتهد وراح

وعايزنى استنى تانى كتير

وقلبى يقعد برضه حزين

لأ ده معدش ينفع معاه

حب وطيبه او حتى حنان

ولو كلمه حلوه مش حرام

حتصبر قلبى على الجراح

وكفايه بقى عليك احساس

وفرح يلا كل الناس

سمعت كلامهم وعشت معاه

وقولت عمرى ما اكون وياه

وفضلت ساكت ايوه عشانك

وقولت اااااااه لو كنت مكانك

جى دلوقتى يقولى حرام

بعد ما قلبى اتهد وراح

دنا ضحيت بنفسى سنين

وعشت معاه بشوق وحنين

وجى دلوقتى يقولى حرام

بعد ما قلبى اتهد وراح

كنت فاكره حب وطيبه

طلع وهم ودنيا غريبه

سامحنى(من كتاباتى)

2010-02-12T22:43:00.000+02:00

بس انت ترضى بحبى

حجرى عليك واخدك فى حضنى

بس انت ترضى بقلبى

حتلاقى قلبك هو قلبى

باينت ليك حاجات كتير

انى من غيرك معرفش اعيش

بقول حنساك من ورا قلبى

وانت ساكن جو قلبى

متصدقنيش ان كنت قولت نسيت

انت معايا مهما قسيت

مش عارف انساك

انا دوبت خلاص فى هواك

مهما غلط انا الغلطان

وحطلب السماح والغفران

سامحنى يا نور العيون

سامحنى بقلبك الحنون

بس انت ترضى بحبى

وحجرى عليك واخدك فى حضنى

انت الحاجه الحلوه فى حياتى

مقدرش ادفنها فى ذكرياتى

قرب منى شويه وشوف

حتلاقى حب وقلب ملهوف

متزعلش منى

أصابنى العجز(من كتاباتى)

2010-02-12T19:47:00.000+02:00

أصابنى العجز فى الصغر

لم انتظر حتى يأتينى الكبر

اسير فى الطرقات حزين

ادفن بيدى اجمل سنين

انظر اليكى يا حبيبتى

لا اعرف ماذا اقول لكى؟

ضاعت نفسى وصحتى

ولن اعذبك معى

ساحفر اسمك على قلبى

وسيجرى حبك فى دمى

اتمنى ان تعيشى سعيده

ولا تكونى أبدا وحيده

أصابنى العجز فى الصغر

لم انتظر حتى يأتينى الكبر

ضاعت احلامى البريئه

وساضيع حبيبتى الجميله

ساراسللك يا حبيبتى

وساكون حارس لكى

لا أملك سوى حبك

وقلبى يردد اسمك

ضاعت نفسى وصحتى

ولن اعذبك معى

صفير القطار(من كتاباتى)

2010-02-12T15:36:00.000+02:00

سمعت صفير القطار

ينادى بصوته العشاق

يقول اتركوا ايديكم

واستعدوا لتوديع الاشواق

ايها الحبيب فلتغادر

صوتك الحزين يملء الاّّّّفاق

مكتوبه عليك الاحزان

وسيكتب الزمن الفراق

سمعت صفير القطار

ينادى بصوته العشاق

وبدا القطار يسير هادئا

والحبيبه من ورائه مسرعه

الحبيب ينظر بعين دامعه

ليترك لها احزان مؤلمه

فانطلق القطار مسرعا

والحبيبه تجرى خائفه

تنادى باصوات عاليه

انتهت ايامى الهانئه

بكى الناس من حولها

يريدون اعاده حبيبها

ولكن اختفى صوت القطار

تاركا ورائه الغبار

قبر حبيبتى (من كتاباتى)

2010-02-10T13:40:00.000+02:00

قبلتك قبله الوداع وانتى بين احضانى

قبلتك قبله الوداع والحزن فى اعماقى

تركتينى وذهبتى لمكان لا يعلمه سوى الله

وجعلتينى وحيدا فى الدنيا الحمقاء

ما لى وقفت على قبرك اتنفس حبك

همسات فى اذنى توحى بصوتك

فجلست بجوارك شاكيا وحدتى

احكى لكى وحشه غربتى

انطفأ شمعى وتزلزل قلبى

واصبحت عينى غارقه فى دمعى

ما من بعدك يرافقنى

ما من بعدك يواسينى

فهل تسمعينى يا حبيبتى؟

هل تسمعينى يا فقيدتى؟

اهداء الى كل من فقد حبيبه

بسال عليكى(من اشعارى)

2010-02-10T03:03:00.000+02:00

بسال عليكى ولا بتغير

و قلبى ديما متحير

حعيش معاكى فى خيالى

وحبنى عليكى احلامى

وعمر الخيال ما يبقى حقيقه

بس حعيشه ولو دقيقه

بسال عليكى ولا بتغير

وقلبى ديما متحير

ومهما عملتى انا مسامح

عشان اكيد كنت جارح

دنتى حلم بقاله سنين

عشت معاه بشوق وحنين

بس الحلم فجاه اتغير

وخلانى بقيت متحير

وحفضل احبك وانا بتالم

ولا عمرى فى يوم حتعلم

بسال عليكى ولا بتغير

وقلبى ديما متحير

قلب تانى(من اشعارى)

2010-02-08T21:43:00.000+02:00

خلاص حنساك قلب تانى ملك قلبى الغلبان

خلاص حنساك حبك ذكرى دفنها الزمان

عرفت قلب تانى عمره ما كان انانى

حس بيا وخاف عليا وخلى قلبه بين ايديا

مقدرش اسيبه ايوه خلاص

بعد ما بين لى معانى الاخلاص

حسلم قلبى ليه بعد ماكان ملك ليك

حسلم قلبى ليه بعد ما كان حبى كله ليك

اااااااااااااااااااه لو فكرت ترجعلى

خلاص ده قلبى وجعنى

كان نفسى اكون ليك

وارسم الضحكه فى عينيك

بس خلااااااااااص

ايوه خلااااااااااص

كنت عارف اد ايه كنت بحبك

سكت كتير وخلتنى ابكى فى حبك

واللى يبكىّ عين حبيبه

يبقى اكيد مش هو نصيبه

مش حقدر اسيب اللى حبنى

وادانى قلبه وبحبه شدنى

حسيبك وخلى بالك من نفسك

واوعى تفكر تبكى فى يوم على نفسك