كمليها يا دنيا(من اشعارى)

كمليها يا دنيا وانسينى

كتر الجراح بيبكينى

ولا هقدر الوم عليكى

ماانا حظى قليل فيكى

حتى الحبيب بيظلمنى

ولو كلمته بيقول هتسبنى

ولو حظى كده فيكى

طب ليه عايش موهوم بيكى

ولا فى حد بايدى ياخدنى

 يسالنى ويعرف ايه همى

ده حتى الفرح بيحاسبنى

وان جه فى يوم بعديه يجرحنى

كمليها يادنيا وانسينى

كتر الجراح بيبكينى

سنه جديده(من اشعارى)

سنه جديده من عمرى جايه

ويارب بالافراح خليها دايمه

ولاحزن يكون ولا جراح

وبالفرح هعوض اللى راح

ده حبيبى معايه وامى وابويه

وكلمه حلوه سامعها من اخويه

صاحب يصون ولا يبيع

واللى يعادينى قلبه يضيع

سنه جديده من عمرى جايه

ويارب بالافراح خليها دايمه

وانا كده عمرى ابتدى

واللى جرح قلبى زمان انتهى

واللى خلانى سعيد كده

ان حبيبى فى قلبى هنا

ده انا بدعى فى صلاتى ربنا

مايفرقناش غير دمنا

سنه جديده من عمرى جايه

ويارب بالافراح خليها دايمه

مخبى عليه ايه(من اشعارى)

مخبى عليه ايه تانى

بلاش تكون انانى

شايفك وعارف عينيك

بتقول كلام لما المس ايديك

ولوسالتك فى ايه

بتقول عادى هو ايه

بتكدب كتير واسامح

واقول يمكن اكون جارح

طب ليه هونت فى يوم عليك

وانا كانت ايدى ملك ايديك

نفسى الاقى منك اجابه

بدل الحيره فى كلامك

مخبى عليه ايه تانى

بلاش تكون انانى

عينى سرحانه فى عينيك (من اشعارى)

عينى سرحانه فى عينيك

وطول الليل بفكرفيك

ولما بلمس ايديك

بحس ان روحى ليك

معاك حسيت بالحياه

ونسيت احزانى معاك

ياما نفسى احضنك

اكون وياك واسعدك

ولا حد يبعدنى عنك

حتى لو هموت جنبك

عينى سرحانه فى عينيك

وطول الليل بفكر فيك

ياقدس نفديكى(من اشعارى)

يا قدس نفديكى

بروح ونحميكى

ونضحى بارواحنا

كله فداء ليكى

يحميكى ابنائك

من كل اعدائك

وتعيشى حره

فى ظل اولادك

عايشه فى قلبنا

ساكنه فى صدرنا

ابنائك الشجعان

اولاد الكرام

مهما يطول الزمن

يقفوا ويحموكى

يقفوا ويحموكى

حبتينى,,,ولااااالسه بتحبيه(من اشعارى)

حبتينى,,,,,,, ولااااالسه بتحبيه

ده اللى باين.. من اللى بتعمليه

قولتيلى نسيته.. ومش بفكر فيه

واللى يفتكرجرح حد..يبقى عايش ليه

خايفه منى ...وراسمه خيانته فى خيالك

طب ايه ذنبى.... وانا مالى بحياته

مانا قولتلك ..من البدايه ننسى اللى فات

مانا ساكت... وكاتم فى قلبى حكايات

كل كلمه بتقوليها وراها ايه

جرح فى قلبك نفسك تداويه

يبقى اللى بينا مش حب وحنان

طول ما فاكرين ايام زمان

قلبى خلاص بقى منك خايف 

تبعديه عنك وتقولى خاين

ولا حسيت فى مره انك مطمنالى

بكون جنبك على طول ومخونانى

حبتينى ,,,ولاااااالسه بتحبيه

ده اللى باين من اللى بتعمليه

اصحى يا مصري(من اشعارى)

اصحى يا مصري

افرح وقول اللى فى نفسك

وسمع اسرائيل حسك

الكل عرفوا سيرتك

مصرى اصيل حامى ارضك

ولا حصن منيع يهزك 

وطاعه ربنا فى قلبك

اصحى ياابن النيل

مينا ومحمد ماشين

شايلين سلاحهم ولا خايفين

وبيعلوا صوتهم قايلين

الله اكبر على المعتدين

هلال صليب متوحدين

واكتوبر كان هو الدليل

اصحى يا مصرى

وهرجع اتغرب (من اشعارى)

وهرجع من تانى اتغرب

ولا عايز حد منى يتقرب

واللى شافنى فى اول غربتى

كنت بمشى والضحكه صحبتى

وماكنتش عارف انه هيجى عليا يوم

تضيع ضحكتى وانام مظلوم

اصل اللى شوفته فى غربتى

هون عليا دمعتى

صاحب حبيب كله يبيع

حتى القريب منهم يضيع

مش عارف ليه دلوقتى بتكلم

يمكن عشان قلبى بقى مش متحمل

ما هى عدت سنين والقلب بقى حزين

سنه سنتين ضيعوا من قلبى الحنين

يارب عليا هونها

واستر فى اللى فاضل منها

وهرجع من تانى اتغرب

ولا عايز حد منى يتقرب

بنات متعريه (من اشعارى)

بنات مشيه متعريه ومصدقيين

ان الشباب بيهم معجبيين

الكل بيتفرج بس عليهم

ولا عمره هيختار واحده فيهم

وهيعدى عليهم سنين وسنين

وهيلاقوا نفسهم معنسيين

اصل اللى بيختار بيختار واحده طيبه

تصون عياله وتكون متدينه

واللى يرضه بيهم يبقى زيهم

مسقط بنطلونه ولا اجدعها واحده منهم

يلا افرحوا بناطيل مجسمه وباديهات

والبسوا كمان احدث الصيحات

بس اعرفوا وافهموا

ان فى الاخره هتندموا

وبص كمان اللى يوجعك

تشوف نقاب يخدعك 

كعب عالى وراسمه عينيها

وربنا يستر بقى علينا

بنات مشيه متعريه ومصدقيين

ان الشباب بيهم معجبيين

سألتها (من اشعارى)

رحت وقولت انى بحبها

جاوبتنى وقالت انى مش لها

قالتلى روح بعيد دور على حبيب

أحسن منى هتلاقى كتير

واااه من الحبايب ما عادش فى حبايب

طول ما انت بعيد وعنهم غايب

رحت وقولت انى بحبها 

جاوبتنى وقالت انى مش لها

وقولت فى يوم هبعد وانساه

وابدا حياه تانيه مش معاه

بس معرفش ليه بتجيلى فى احلامى

مشيه بعيد رايحه وسايبانى

ماهى دى الحقيقه يا قلبى وعشها

وسيب حبيب تانى يخدها

ماهو مش عايزك تكون معاه

بس ادعيله يعيش اجمل حياه

رحت وقولت انى بحبها

جاوبتنى وقالت انى مش لها

دموعها على خدها (من اشعارى)

راحلها وقال لسه بحبها

ورجعت ودموعها على خدها

قلتله طب ليه يا صحبى بعتها

قال الماضى كان معايه وجنبها

طب ليه يا صحبى دى حبتك

 قال حاولت ولا عرفت احبها

طب شوف ايه اللى حصلها

مشيه فى الشارع مستغربه

ولما تشوفها تحسها

دى غابت روحها وهربت منها

وجى تقول نسيتها ونسيت حبها

وللماضى حنيت حرام ده انت جرحتها

راحلها وقال لسه بحبها 

ورجعت ودموعها على خدها

دمع الفراق (من اشعارى)

دمع الفراق

هو دمع عيونى 

هو دمع عيونى

دمع الفراق

دمع غدار وانانى

ومعاه ضيعت زمانى

دمع الفراق

دمع عيون سهرانه

دمع رموش حيرانه

دمع الفراق

دمع الحبيب لحبيبه

لما بيبعد عن عينه

دمع الفراق

دمع قلوب مجروحه

ديما مش مبسوطه

دمع الفراق

كله عذاب والم 

كله فراق وندم

وطول العمر معاه

نسهر ولا ننام

دمع الفراااااق

اتكلموا عنى الناس (من اشعارى)

اتكلموا عنى الناس وقالوا كتير فى حقى

ومن كتر سكوتى ضاع منى حقى

هرجع وأقولهم بس ايه

ضيعوا منى حبيبى طب ليه

اصلى على طول ساكتلهم

واقول ده كلام ولا حد هيسمعلهم

وغلط وغلطان والكل سمعلهم

وبقيت انا المجروح منهم كلهم

واااه من السكات وطيبه قلبى

وخلاص هتكلم وهقسى قلبى

مانا عارفهم واحد واحد وواحده واحده

وهرجعلهم وافضحهم مره واحده

دور ما يعرفوش ايه قسوتى

واد ايه غلاوه دمعتى

وهبين لكل واحد مين انا

وحبايبى اللى عاشوا فى قلبى هنا

اتكلموا عنى الناس وقالوا كتير فى حقى 

ومن كتر سكوتى ضاع منى حقى

كل ما اجى احب (من اشعارى)

كل ما أجى أحب ألاقى قلبى راح بعيد

يحب حبيبه وحبيبه يسيبه وحيد

مانا كنت لوحدى ماشى

من غير حبيب ولا كنت بقاسى

بس كفايه عليه حب

قلبى خلاص عذبه الحب

يلا روحوا بعيد ولا تكلمونى

وسيبونى لوحدى ولا تحبونى

انا مش عايز حبيب ولا حنين

وهعيش لوحدى قادر على السنين

اصل اللى بحبهم قسى قلبهم

وجه الوقت أقولهم هبعد ولا هرجعلهم

كل ما أجى أحب ألاقى قلبى راح بعيد

يحب حبيبه وحبيبه يسيبه وحيد

مانا كنت لوحدى ماشى

من غير حبيب ولا كنت بقاّّّسى

وهعيش بعيد وانسى احلامى

وهداوى جراحى وابعد عن الامى

اصل اللى بحبهم قسى قلبهم

وجه الوقت أقولهم هبعد ولا هرجعلهم

ياسلام على المصيفيين (من اشعارى)

اهداء منى لضحايا حوادث كورنيش اسكندريه بمصر والتى رئيتها بعينى والتى لا يغيب مناظرها عن بالى ولهذا كتبت هذه القصيده

ياسلام على المصيفيين

ياسلام على المصيفيين

على الكورنيش ديما مداسيين

عربيات بتجرى ولا هممها

ماهو المرور هو اللى سيبها

عايله مرميه على الشمال واليمين

كانوا قصدهم يعيشوا يومين مرتاحين

وأهم ارتاحوا وخلوهم مرتاحين

وغطووهم وسابوهم ميتيين 

ماهوكله مفيم وعامل رئيسها

من غير ترخيص والفلوس رخصتها

ويقولوا كبارى وانفاق 

وأهوكله كلام فى رياق

ياسلام على المصيفيين

على الكورنيش ديما مداسين

ضلميها يا بلد(من اشعارى)

بعد الاستمرار فى قطع الكهرباء عن محافظات مصر كتبت هذه القصيده

َضلميها يا بلد

ضلميها يا بلد على ولادك

وأدى جزاه حب عيالك

بيقولوا الكهربا بيوفروها

وأتاريهم للأردن بيصدروها

دور مش عاتقين حاجه

وشوف كم ميجا بيسروقوها

ياسلام ياسلام على التفنين

وفاكرنا كمان مش فاهمين

ده حرام والله علينا 

وشوفوا اللى حصل لينا

أطفالنا ماتت فى الحضانه

وكأن الكهربا فى غاره

يلا يلا وأهى رحمه ليهم 

ييجوا فى بلد مش ليهم

وههههه وشوفوا كمان بيباركونا

وفى رمضان هيصلونا

ماهى الكهربا مش موجوده

والجوامع بمولدات وهتبقى حوسه

ضلميها يا بلد على ولادك 

وأدى جزاه حب عيالك

عايش من سكات (من اشعارى)

وفضلت عايش من سكات 

 والعمر راح منى وفات

ومشيت لوحدى ودموعى بتجرى

ولا حد سأل مالى وايه همى

اصل الحياه هى الحياه بتيجى

لما اشوف ايوه اشوف عين حبيبى

وقضلت عايش من سكات 

والعمر راح منى وفات

وفضلت ساكت على الجراح ومش هممنى

ماهو حبيبى راح واخد حياتى منى

ولا هقدر الومه و اعاتبه على قلبى

هو اللى قلبه اختار واختار ينسى قلبى

وفضلت عايش من سكات

والعمر راح منى وفات

فاكر انى هسيبك (من اشعارى)

هو انت فاكر انى هسيبك

دنا بموت فى لمسه ايدك

 ولو حبيت تانى قبليك

عمرى ما هحب حد بعديك

ده مفيش حبيب فى رقتك

وياسلام على جمال ضحكتك

هو انت فاكر انى هسيبك

دنا بموت فى لمسه ايدك

وان غبت كتير عنك

انت فى بالى ونفسى اكون جنبك

ياما نفسى اخدك واحضنك

 واحب فيك واعبدك

هو انت فاكر انى هسيبك

دنا بموت فى لمسه ايدك

حبيت أقولك (من اشعارى)

حبيت أقولك انك انانى

ومن السهل عليك تنسانى

ولا هيهمك قلب حبك وعاش ليك

ولا هيشغل بالك حب كبير كان بين ايديك

هى الجراح والالام محسوبه ايوه علينا

بس الحبيب لما يبيع يملى الدمع فى عينينا

ما خلاص ده الحبيب نسانا

ومبقاش فى يوم يهوانا

حبيت أقولك انك انانى

ومن السهل عليك تنسانى

روح وشوف قلبك حيوديك لفين

هيخليك لوحدك عايش حزين

ولا هرجع تانى ليك 

حتى لو شوفت الدمع فى عينيك

ما هى كلمه قولتهالك من البدايه

لو روحت مش هعيد الحكايه

حبيت أقولك انك انانى 

ومن السهل عليك تنسانى

تغيب الشمس يا قلبى (شعر غنائى من كتاباتى)

تغيب الشمس يا قلبى

                        تعدى تروح من بدرى

وانت قاعد مستنى

                         حبيب يداوي يا قلبى

صبرت كتير ياقلبى

                      ده العمر بيفوت ويجرى

خلى بالك انت قسيت

              على الحب يا قلبى وياما بكيت

وانت ياقلبى..............

                            انت يا قلبى

من الحب شكيت

                         وعليه كمان خبيت

وروحت وجيت وغرقت فى بحر حبيبك

                 وبسرعه اشتكيت من ظلم قلب حبيبك

يا قلبى خلاص انتهيت

                         ولا هتحب تانى وتقول حبيت

تغيب الشمس ياقلبى

                               تعدى تروح من بدرى

وانت ياقلبى............

                                              انت ياقلبى

من الحب شكيت.......

                                   وعليه كمان خبيت

وفضلت على طول حيران

                           مسكين من الحب سهران

يا قلبى........... ياقلبى................

 سابك حبيبك من طيبتك

                    وقال مش حلوه كده طيبتك

بس خلاص ايوه خلاص راح العمر وانتهى

                  بس خلاص ايوه خلاص راحت الطيبه كلها

تغيب الشمس ياقلبى

                                     تعدى تروح من بدرى

ياقلبى اللى راح

                                         كفايه عليك جراح

انت متعرفش القسيه

                                   عشان مخلوق للحنيه

ده خلاص راح زمن الطيبه

                               والقلوب بقت كده غريبه

نزفت ياقلبى وبالدم ارتويت

                         وعشان الحب كمان ضحيت

تغيب الشمس يا قلبى

                                 تعدى تروح من بدرى

وانت قاعد مستنى

                                   حبيب يداوى يا قلبى

اااااااااه يا قلبى.....ااااااااه يا قلبى

موال الزمن (شعر غنائى ..من كتاباتى)

---

كل شىء مكتوب علينا يا زمن

يضيع اغلى حبيب لينا يا زمن

تجرح فينا وتظلمنا من غير تمن

وبالاحزان احنا بندفع التمن

حنروح منك فين يا زمن

خليك حنين فى يوم يا زمن

كفياك جراح تعبنا من الالم

وبنقول اااااااااااه منك يا زمن

ضاعت احلامنا واحنا السبب

بس اكيد حنعيب فيك يا زمن

عرفتنا على ناس خاينين

واللى عرفناهم منك يا زمن

ضيعت مننا حلم السنين

ضيعت كل شوق وحنين

حنفضل نترجاك يا زمن

تكون معانا وتنسبنا الالم

ولا انت حتفضل كده يا زمن

تدوس على افراحنا وتكتر الالم

حلم أراه واقع (من اشعارى)

حلمت بيك يا حبيبى

واقف زعلان مستنينى

رحت اشوف عينيك

بقيت خايف ابص ليك

اصل فيه كتير حبوكى

لمجرد انهم عرفوكى

بس يا حبيتى صدقينى

لو دورتى هتلاقينى

قلبى حبك طول سنينى

قبل حتى ما تعرفينى

سألونى عن حبى ليكى

اتاريهم بيحنوا إليكى

ومبقتش عارف الحكايه

ولفين هتوصل النهايه

هفضل كده مستنى احكيلك

ولا غيرى هيروح ويجيلك

نفسى اعرف ايه جواك

استناك ولا انسى هواك

ومهما حاولت اكلم غيرك

برضه شايفك شايف عينك

بس انت ولا انت دارى

إنك وحدك بس فى بالى

ضاع حبيبى التانى(من كتاباتى)

ضاع منى حبيبى التانى

ضاعت منى احلى امانى

حاولت انسى حبى الاول

لقيت جرح التانى اشد من الاول

حبكى واصرخ ومين هيسمعنى

دنا تعبت خلاص وقلبى وجعنى

كفايه عليا كده

قلبى مش مستحمل كل اده

هو انا لحقت احبها

ده يوم ولا يومين وسيبتها

زهقت خلاص وحرمت احب

دنا طلعت مليش فى الحب

حبكى واصرخ ومين حيسمعنى

دنا تعبت خلاص وقلبى وجعنى

ضاع منى حبيبى التانى

ضاعت منى احلى امانى

جى يقولى حرام (شعر غنائى..من كتاباتى)

كنت فاكره حب وطيبه

                 طلع وهم ودنيا غريبه

جى دلوقتى يقولى حرام

                 بعد ما قلبى اتهد وراح

وعايزنى استنى تانى كتير

              وقلبى يقعد برضه حزين

لأ   ده  معدش ينفع معاه

             حب وطيبه او حتى حنان

ولو كلمه حلوه مش حرام

           حتصبر قلبى على الجراح

وكفايه بقى عليك احساس

                  وفرح يلا كل الناس

سمعت كلامهم وعشت معاه

         وقولت عمرى ما اكون وياه

وفضلت ساكت ايوه عشانك

         وقولت اااااااه لو كنت مكانك

جى دلوقتى يقولى حرام

                بعد ما قلبى اتهد وراح

دنا ضحيت بنفسى سنين

          وعشت معاه بشوق وحنين

وجى دلوقتى يقولى حرام

                  بعد ما قلبى اتهد وراح

كنت فاكره حب وطيبه

                 طلع وهم ودنيا غريبه

سامحنى(من كتاباتى)

بس انت ترضى بحبى

حجرى عليك واخدك فى حضنى

بس انت ترضى بقلبى

                 حتلاقى قلبك هو قلبى

باينت ليك حاجات كتير

        انى من غيرك معرفش اعيش

بقول حنساك من ورا قلبى

                  وانت ساكن جو قلبى

متصدقنيش ان كنت قولت نسيت

                  انت معايا مهما قسيت

مش عارف انساك

         انا دوبت خلاص فى هواك

مهما غلط انا الغلطان

            وحطلب السماح والغفران

سامحنى يا نور العيون

               سامحنى بقلبك الحنون

بس انت ترضى بحبى

       وحجرى عليك واخدك فى حضنى

انت الحاجه الحلوه فى حياتى

          مقدرش ادفنها فى ذكرياتى

قرب منى شويه وشوف

       حتلاقى حب وقلب ملهوف

        

متزعلش منى          

أصابنى العجز(من كتاباتى)

أصابنى العجز فى الصغر

              لم انتظر حتى يأتينى الكبر

اسير فى الطرقات حزين

                   ادفن بيدى اجمل سنين

 انظر اليكى يا حبيبتى

                لا اعرف ماذا اقول لكى؟

ضاعت نفسى وصحتى

                        ولن اعذبك معى

ساحفر اسمك على قلبى

                وسيجرى حبك فى دمى

اتمنى ان تعيشى سعيده

                      ولا تكونى أبدا وحيده

أصابنى العجز فى الصغر

               لم انتظر حتى يأتينى الكبر

ضاعت احلامى البريئه

               وساضيع حبيبتى الجميله

ساراسللك يا حبيبتى

                     وساكون حارس لكى

لا أملك سوى حبك

                      وقلبى يردد اسمك

ضاعت نفسى وصحتى

                          ولن اعذبك معى         

صفير القطار(من كتاباتى)

سمعت صفير القطار

                        ينادى بصوته العشاق

يقول اتركوا ايديكم

                    واستعدوا لتوديع الاشواق

ايها الحبيب فلتغادر

                 صوتك الحزين يملء الاّّّّفاق

مكتوبه عليك الاحزان

                        وسيكتب الزمن الفراق

سمعت صفير القطار

                         ينادى بصوته العشاق

وبدا القطار يسير هادئا

                  والحبيبه من ورائه مسرعه

الحبيب ينظر بعين دامعه

                       ليترك لها احزان مؤلمه

فانطلق القطار مسرعا

                         والحبيبه تجرى خائفه

تنادى باصوات عاليه

                            انتهت ايامى الهانئه

بكى الناس من حولها

                          يريدون اعاده حبيبها

ولكن اختفى صوت القطار

                              تاركا ورائه الغبار

قبر حبيبتى (من كتاباتى)

قبلتك قبله الوداع وانتى بين احضانى

قبلتك قبله الوداع والحزن فى اعماقى

تركتينى وذهبتى لمكان لا يعلمه سوى الله

وجعلتينى وحيدا فى الدنيا الحمقاء

ما لى وقفت على قبرك اتنفس حبك

همسات فى اذنى توحى بصوتك

فجلست بجوارك شاكيا وحدتى

احكى لكى وحشه غربتى

انطفأ شمعى وتزلزل قلبى

واصبحت عينى غارقه فى دمعى

ما من بعدك يرافقنى

ما من بعدك يواسينى

فهل تسمعينى يا حبيبتى؟

هل تسمعينى يا فقيدتى؟

اهداء الى كل من فقد حبيبه

بسال عليكى(من اشعارى)

بسال عليكى ولا بتغير

و قلبى ديما متحير

حعيش معاكى فى خيالى

وحبنى عليكى احلامى

وعمر الخيال ما يبقى حقيقه

بس حعيشه ولو دقيقه

بسال عليكى ولا بتغير

وقلبى ديما متحير

ومهما عملتى انا مسامح

عشان اكيد كنت جارح

دنتى حلم بقاله سنين

عشت معاه بشوق وحنين

بس الحلم فجاه اتغير

وخلانى بقيت متحير

وحفضل احبك وانا بتالم

ولا عمرى فى يوم حتعلم

بسال عليكى ولا بتغير

وقلبى ديما متحير

قلب تانى(من اشعارى)

خلاص حنساك قلب تانى ملك قلبى الغلبان

خلاص حنساك حبك ذكرى دفنها الزمان

عرفت قلب تانى عمره ما كان انانى

حس بيا وخاف عليا وخلى قلبه بين ايديا

مقدرش اسيبه ايوه خلاص

بعد ما بين لى معانى الاخلاص

حسلم قلبى ليه بعد ماكان ملك ليك

حسلم قلبى ليه بعد ما كان حبى كله ليك

اااااااااااااااااااه لو فكرت ترجعلى

خلاص ده قلبى وجعنى

كان نفسى اكون ليك

وارسم الضحكه فى عينيك

بس خلااااااااااص 

ايوه خلااااااااااص

كنت عارف اد ايه كنت بحبك

سكت كتير وخلتنى ابكى فى حبك

واللى يبكىّ عين حبيبه

يبقى اكيد مش هو نصيبه

مش حقدر اسيب اللى حبنى

وادانى قلبه وبحبه شدنى

حسيبك وخلى بالك من نفسك

واوعى تفكر تبكى فى يوم على نفسك 

ساكن جوه قلبى(من كتاباتى)

يا حبيبى يا ساكن جوه قلبى

ياما نفسى اخدك جوه حضنى

اعيش معاك احلى الاوقات

واكتب انا وانت الذكريات

انا دوبت خلاص فى هواك

دنتا فى عينى احلى ملاك

يا حبيبى يا ساكن جوه قلبى

ياما نفسى اخدك جوه حضنى

لو لمست ايديا حتلاقيها بردانه فى حبك

ولو شوفت عنيا حتلاقيها رسمه صورتك

حتعرف تحبنى ولا فى حبك حتهدنى

استحملت كتير عشانك وفى هواك حيرتنى

وبقولهالك.............وكمان بغينهالك

اااااااااااااه منك والله عليك

دنا بدوب فى سحر عينيك

ومهما روحت وجيت انا ديما بين ايديك

وحعيد بايدى كل اللى كان

نظره وحب واحلى حنان

و نعيش سوى وسط السحاب

ويحكوا عننا كل الاحباب

يا حبيبى يا ساكن جوه قلبى

ياما نفسى اخدك جوه حضنى

واثق فى حبك(من اشعارى...شعر غنائى)

واثق فى حبك

بس مقدرش اقول بحبك

انت عارف وانا عارف الناس قالوا كتير

بس انت بتحب تبان ديما كبير

ولا عمرى انا كان بيهمنى

وديما بقول انك بتحبنى

غاروا منى كتير وانا بحبك

وحاولوا ينسونى حبك

حاول تقولى او تبين لى

ان كنت بتحبنى او بتهرب منى

مبقتش عارف أكلمك

خايف من اى حد يألمك

خلتنى اخاف من كلام الناس

ده اللى يتكلم اكيد معندهوش احساس

واللى يحب حد ولا يهمه حاجه

ولا انت بتخاف من اى حاجه

حاول تضمنى بعينك وتحبنى

وخليك عارف انك بتهمنى

واثق فى حبك

بس مقدرش اقول بحبك

وحشتينى اوى

ابعد عن عينى(من كتاباتى...شعر غنائى)

ابعد عن عينى اتعذبت كتير

دنا فى حبك بشوف الويل

ايه خلانى احبك بس

قلبى خلاص مبقاش بيحس

انا نسيت خلاص كل اللى كان

وبضحك على كل اللى فات

من امتى حبك كان يساوى

جرحك خلانى انسان وداوى

حرام عليا اعيش

وسط ناس محبتنيش

روح ودور على الحنان

ده الحب مات من زمان

ابعد عن عينى اتعذبت كتير

دنا فى حبك بشوف الويل

خنى صحبى(من اشعارى)

معرفش ليه بفكر فيك

نفسى اشوفك وارجع ليك

قلبك كان ليا حبيب

وحبك كان هو الطبيب

ده اللى حصل فيا كتير

خيانه صاحب واغلى حبيب

خنى صحبى وبعنى فى يوم

وضيع من عينى معنى النوم

حبها ونسى حبى ليها

ودفن احلامى وعاش كمان فيها

يروح الحبيب ويبقى الصاحب

بس ياريته يعرف مين بيصاحب

دوامه يادنيا ومين فيها

عاش مرتاح فرحان بيها

ولا صاحب يبقى ولا قريب

كله بيبعد ويروح الحبيب

اشجار الحياه تنادينى(من كتاباتى)

اشجار الحياه تنادينى باصواتها

تريدنى ان اسمع انينها

فذهبت اليها مسرعا"

وقلبى لها متشوقا"

فرايت اوراق تسقط منها ذابله

والاشجار اصبحت كالحجار الداميه

فسالت كبيرهم ماذا حدث لك؟

فقال لى : سمعنا صوت بكاءك!!

فجلست حزينا" ودموعى سائره

واصبحت الاوراق تسقط متسارعه

فرايت انسان قادم نحوى!!!!!

احسست ان قد ردت اليا روحى

فاذا بحبيبتى تقف امامى

قد اتت لتزيل احزانى

فامسكت يدها فارحا

واصبحت ضحكتى كالرياح العاتيه

فاذا بالاوراق ترجع مكانها

واصبحت الاشجار ترفرف بغناءها

زى النهارده (بمناسبه عيد الحب..من كتاباتى)

زى النهارده كان نفسى اضمك

اشكى ليك وابكى فى حضنك

اجبلك ورد وفل وياسمين

واحضنك كمان بنينى العين

زى النهارده كان نفسى اشوفك

المس ايديك واشوف نور عينيك

بس الايام فرقتنا

ولا مره فى يوم جمعتنا

بتحب تبكينا ديما

وتنسينا ايامناالجايه

زى النهارده بقولك يا حبيبى

وحفضل اقولها ودمعى فى عينى

ولا يوم حقدر انساك

انا غرقت خلاص فى هواك

خليك فاكر ولو عنيا

اوحتى ضحكه غابت عليا

زى النهارده كان نفسى اشوفك

المس ايديك واسمع صوتك

زى النهارده...زى النهارده 

حكالى اتنين صحابى(من كتاباتى)

حكالى اتنين صحابى عن قصه حبهم

راح قلبى من طيبته شال همهم

واحد فيهم بيحب واحده

والتانى حب نفس الواحده

سمعت اايه اللى عملوه فى بعضهم

ومبقتش عارف ايه اقولهم

هم الاتنين سابوا بعض خلاص

عشان خاطر واحده متعرفش الاخلاص

لعبت ولسه بتلعب بقلبهم

ولا يوم حبت واحد منهم

ياخساره والف خساره

بعد الحب كانت الخساره

هم الاتنين خسروا بعضهم

ولا حد يعرف يداوى جرحهم

كان نفسى فى يوم ارجعهم من جديد

يرجعوا صحاب وينسوا القديم

بس راحه الطيبه اللى فى قلبهم

بعد ما عرفوا حقيقه حبهم

ويقيت اناااااااااااااا محتااااار

نفسى احرقهااااااا ولو بالنار

اللى تفرق ما بين اتنين صحاب

تبقى واحده متعرفش غير الدمار

حتلف الايام وترجعلها

وحتلاقى الف جرح يضمها

وححاول افكرهم بالطيبه والحنان

علشان ينسوااااااا ايام زمان

وحجمعهم تانى ده شىء مش اكيد

بس ياريت حبى ليهم يجمعهم من جديد

كابوس مخيف(من كتاباتى)

كابوس مخيف يراودنى

وبالاحداث يذكرنى

الضحكه البريئه غابت عنى

والماضى الاليم يعذبنى

رايتك واقف بعيدا تنظر اليا

نظره عينيك تبحث عليا

ذهبت اليك ودموعى تلاحقنى

ابحث عنك والناس تعاتبنى

فصرخت من الالم وصرخت من العذاب

عندما وجدك شىء من السراب

عدت الى مكانى اجفف اجفانى

لانسى ذكريات عمرى واحزانى

فاستيقظت مفزعا...وللكابوس مفكرا

وعينى غارقه بالدموعى الحائره

بصيت عليها من بعيد(شعر غنائى)

بصيت عليها من بعيد

ولاقيت قلبى راح بعيد

وبدات انسان جديد

وبدات انسان جديد

روحت وقلتلها انى بحنلها

ويالتنى ماقولتها انى بحبها

صرحتنى بحبها صدمتنى بقلبها

ياخساره خسرتها وفى لحظه سيبتها

قلتلى نفضل صحاب ده الحب ده كلام

ويارتنى ما شوفتها ولا فى يوم عرفتها

كلامها اثر فيه ...موت مشاعرى وحبى ليها

ويارتنى ما شوفتها ولا فى يوم عرفتها

صرحتنى بحبها صدمتنى بقلبها
ياخساره خسرتها وفى لحظه سيبتها

بصيت عليها من بعيد

وبدات انسان جديد

وبدات انسان جديد




tadwina-79783548-tadwina

لما شوفتك(من كتاباتى...شعر غنائي)

لما شوفتك حسيت بيك وعشت ليالى ماليها الحنين

وجه فى يوم سمعت كلام هز مشاعرى


خلى صورتك فى خيالى مالهاش وجود


وياريتك قولتلى ولا فى يوم خدعتنى


غدرت بيا قسيت عليا


وانا اللى ليك فى الدنيا ديه


راجع تشكى ...راجع تبكى


خلاص اللى بينا غدر انتهى